En palabas do Grupo de Intervención Psicolóxica en Catástrofes e Emerxencias:

Este caderno serviravos para construír os vosos soños. Agora que todos estamos nas nosas casas aproveitaremos para compartir os nosos mellores e peores momentos coa familia, as persoas educadoras e as coidadoras.

É o mellor momento para facer todo o que axude a sentirse ben. Agora tócanos loitar contra ese coronavirus do que nos falan todo o tempo. As persoas maiores ensinámosvos a coidarvos para que non vos contaxien.

Dicímosvos como hai que lavar as mans e moitas cousas máis.

Queremos tamén ensinarvos a descubrir e coñecer as vosas emocións. Podemos sentir emocións distintas como enfado, alegría, medo ou inseguridade cando aparece algo inesperado.

Os que sabemos moito de emocións cremos que debuxar e escribir é o mellor modo de facer que os problemas se fagan cada vez máis pequenos. Así poderemos dominalos.

Con este caderno trataremos de axudarvos.